Úılerdi sý basýy múmkin: ShQO qutqarýshylary turǵyndarǵa eskertý jasady
ÓSKEMEN. QazAqparat – Shyǵys Qazaqstan oblysynda 7-9 sáýir kúnderi kósheler men úılerdi sý basý qaýpi kúrt artady, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 7-9 sáýirde aýa temperatýrasy jylynyp, nóser jańbyr jaýady dep boljanyp otyr.
Soǵan baılanysty oblystyń batysynda, ońtústiginde jáne soltústik-shyǵysynda qatty jańbyrǵa baılanysty kólbeý aǵyn paıda bolyp, ózenderdegi sý deńgeıi kúrt kóterilýi yqtımal.
Osynyń saldarynan kósheler men úılerdi sý basýy múmkin.
«Azamattarǵa muz ústine shyqpaýǵa, úı mańyndaǵy aýmaqty qardan tazartýǵa, qujattardy, qajetti zattar men dári-dármekterdi daıyndap qoıýǵa keńes beremiz. Ózińizben alyp kete almaıtyn baǵaly zattaryńyzdy bıik jerlerge shyǵaryp qoıyńyz. Maldy qaýipsiz jerge aparyńyz. Jaǵdaı kúrdelenip ketse evakýatsııalanýǵa daıyn bolyńyz», - dep eskertti qutqarýshylar.
