Úılerdegi lıft sanyn aıqyndaıtyn norma bar: Maman páter alarda eskerý kerek jaıtty atady
ASTANA. KAZINFORM — Adamdar turǵyn úıden páter alǵan kezde, ondaǵy lıft sany sol úıdiń qabat sanyna saı keletinine mán berýi kerek.
Bul týraly QR Lıft kompanııalary qaýymdastyǵynyń tóraǵasy Nurlan Quttybaev «Jibek joly» telearnasyndaǵy «Búgin LIVE» baǵdarlamasynda aıtty.
— Qurylys normatıvteri bar. Oǵan saı 9 qabatqa deıin — 1, 19 qabatqa deıin — 2, 25 qabatqa deıin — 3 lıft ornatylýy kerek. 25-ten asqan jaǵdaıda kemi 4 lıft bolýy tıis. Biraq qurylys kompanııalary úı salǵan kezde budan únemdep qalýǵa tyrysady, ıaǵnı 2 lıft bolýy kerek jerge 1 lıft salyp ketedi ne sapasy tómen lıft ornatady. Adamdar úı satyp alǵan kezde osyndaı jaǵdaılarǵa nazar aýdarmaıdy, bul másele keıinnen aldarynan shyǵady, — dedi ol.
Mamannyń aıtýynsha, osyndaı jaǵdaılardan keıin turǵyn úılerdegi lıftiler ýaqytynan buryn tozyp, ony jóndeý ne aýystyrý qajettiligi týyndaıdy.
Aıta keteıik, buǵan deıin QR Ónerkásip jáne qurylys mınıstrligi Turǵyn úı-kommýnaldyq sharýashylyǵyn damytý basqarmasynyń basshysy Qabı Qarahan qalaısha podezdegi lıftini jańartýǵa bolatynyn aıtyp bergen edi.