Úılenýden bas tartqan belarýsty sheteldikter tutqynǵa alǵan
ASTANA. QazAqparat -«Ystyq elderdiń birinde» úılenýden bas tartqan belarýs azamatyn jergilikti qyzdyń týystary tutqynǵa alǵan, dep habarlaıdy Belarýs SІM.
«23 shilde kúni Belarýs dıplomatııalyq mıssııasy ystyq elderdiń birinde úılenýden bas tartqan jergilikti qyzdyń qarýlanǵan týystary Belarýs azamatyn tutqynǵa alǵany týraly aqparat alǵan», - delingen SІM-niń Facebook-tegi resmı paraqshasynda.
Vedomstvoda atap ótkendeı, SMS arqyly «belarýs jasyryn túrde dıplomatııalyq mıssııaǵa naqty mekenjaıyn, ǵımarattyń josparyn, qarýly adamdardyń sany men olardyń ǵımaratta ornalasýyn habarlaǵan», dep jazdy RIA Novostı.
Arnaıy operatsııa nátıjesinde jergilikti polıtsııa Belarýs azamatyn bosatyp, ol otanyna aman-esen oraldy, - dedi Belarýs SІM.
Foto: © Flickr / Paval Hadzinski
