Úılený toıyndaǵy janjal: Aqmola oblysynda 21 jastaǵy jigit pyshaq jaraqatyn aldy
Oblystyq Polıtsııa departamenti baspasóz qyzmetiniń málimetinshe, bıylǵy jylǵy 22 qarashada Jarqaıyń aýdandyq PB kezekshi bólimine 57 jastaǵy jergilikti turǵyn habarlasyp, Birsýat aýylynda pyshaq jaraqatyn alǵan 21 jastaǵy ulyna kómekke jedel járdem qyzmetin jiberýdi suraǵan.
«Oqıǵa ornyna Jarqaıyń aýdanynyń PB kezekshi jedel-tergeý toby dereý jetti. Anyqtalǵandaı, 2021jyldyń 21 qarashasynda jergilikti JShS ashanasynda úılený toıy ótken. Toıda qonaqtar arasynda janjal týyndaǵan. Saldarynan buryn sotty bolǵan Nur-Sultan qalasynyń 30 jastaǵy turǵyny Birsýat aýylynyń 21 jastaǵy turǵynyna ish tusynan pyshaq suǵyp alǵan. Zardap shegýshi «sol jaqtan ish qýysyna pyshaq jaraqatyn salý, ishki qan ketý» dıagnozymen Jarqaıyń aýdandyq aýrýhanasyna jatqyzyldy», - dedi vedomstvonyń baspasóz qyzmeti QazAqparat tilshisiniń saýalyna.
Vedomstvodan atap ótkendeı, bul oqıǵaǵa Jarqaıyń aýdanynyń PB sotqa deıingi tergeýdiń biryńǵaı tizilimine 106-shi babynyń 1-shi bóligi boıynsha №211154031000144 bolyp tirkeldi.
«Kúdikti Qylmystyq kodekstiń 128-shi baby boıynsha Jarqaıyń aýdandyq polıtsııa bóliminiń ýaqytsha ustaý oqshaýlaǵyshyna qamaldy. Qazirgi ýaqytta tergeý sharalary júrgizilýde, olardyń sońynda túpkilikti protsessýaldyq sheshim qabyldanady», - dep tolyqtyrdy vedomstvodan.
