Úılený toıynda salto jasap, qalyńdyǵyn óltire jazdady
ASTANA. QazAqparat - Úılený toıyndaǵy ózgeshe bı kezinde jigittiń qalyńdyǵyn óltire jazdaǵany týraly áleýmettik jelige salynǵan vıdeo jurtshylyq arasynda keńinen tanymal bola bastady.
Osydan birneshe kún buryn YouTube vıdeohostınginde úılený toıyndaǵy oqys oqıǵa jaıly qonaqtar túsirgen beınerolık paıda bolǵan edi. Ondaǵy kadrlarda úılengen jigit qalyńdyǵymen ózgeshe bı oryndaıdy. Ol salto jasap, qonaqtardy tańdandyrǵysy kelgen. Obaly neshik, muny áp-ádemi-aq jasaǵan. Biraq onyń bul qylyǵy jarynyń ómirin qıyp kete jazdady.
Soqqy qatty tıgen qalyńdyq qabyrǵaǵa soǵylyp, gúlder salynǵan qumyrany qaǵa jerge qulap túsken. Ózin kináli sezingen kúıeý súıiktisin dereý kóterip almaqqa árekettengen. Biraq saltodan keıin basy aınalǵan jigit qyzdy qolynan túsirip alǵan. Budan soń toıdyń qalaı aıaqtalǵandyǵy belgisiz...
