Úılený toıynda oq atqan er adamnyń ústinen qylmystyq is qozǵaldy
MAHAChKALA. QazAqparat - Daǵystanda úılený toıynda oq atqan er adamnyń ústinen qylmystyq is qozǵaldy, dep habarlaıdy TASS agenttigi respýblıkalyq ІІM baspasóz qyzmetine silteme jasap.
«RF QK-niń eki baby: «Buzaqylyq» jáne «Zańsyz qarý aınalymy» boıynsha qylmystyq is qozǵaldy»,-dep málim etti baspasóz qyzmetiniń ókili. Onyń aıtýynsha, er adam qamaýǵa alynǵan.
Jeksenbi kúni áleýmettik jelide úılený toıynda er adamnyń avtomobıldi tóbesine shyǵyp aýaǵa qarata oq jaýdyrǵany paıda bolǵan. Daǵystan ІІM-niń habarlaýynsha, ol ustalyp Kızılıýrt qalasynyń polıtsııa bólimshesine jetkizilgen.
Áleýmettik jelide oq avtomattan atylǵan degen aqparat taratylǵan. «Qarý syrtynan qaraǵanda avtomatqa uqsaıdy, biraq bul «Saıga» ańshy myltyǵy bolyp shyqty. Eshkim zardap shekpegen, er adam adamdar joq jaqqa qaraı atqan»,-dep atap ótti polıtsııadan.
Bir qyzyǵy, bul oqıǵany oq jaýdyrǵan azamattyń ózi áleýmettik jelidegi paraqshasyna salǵan eken.
