Úılený toıynda kúıeý men qalyńdyqqa kaska kııýge týra keldi
ASTANA. QazAqparat - Úılený toılarynyń bolmaı qalý qaýpi týyndaǵan kúıeý men qalyńdyqqa ózge amaldyń joqtyǵynan qurylys kaskasyn kııýge týra keldi.
55 jastaǵy Endı Boıs pen 49-daǵy Sıýzen Kempbeldiń birge tirshilik keship jatqanyna 23 jyl bolǵan. Osy ataýly kúnge oraı olar úılený toıyn ótkizbekke nıettenedi. Buǵan Sýrereı graftyǵyndaǵy (qazir Úlken London quramynda) 800 jyldyq tarıhy bar shirkeýdi qolaıly kórip, aldyn ala tapsyrys beredi.
Biraq, saltanatty sharaǵa birer aı qalǵanda bulardyń armany oryndalmaı qalý qaýpi týyndaıdy. Óıtkeni shirkeý tutastaı qorshalyp, onyń aýmaǵyna qurylys materıaldary tasyla bastaǵan.
Boıs pen Kempbell qatty ýaıymdaıdy. Óıtkeni olar shirkeýdi qońyraýymen qosyp arendaǵa alǵan. Onyń ústine hordyń qyzmeti bar, qyrýar aqsha aldyn ala tólengen. Toı kúnin keıin aýystyrýǵa tym kesh. Qaıtpek kerek. Baqytqa oraı bul tyǵyryqtan shyǵýdyń joly tabyldy.
Qonaqtar kúıeý men qalyńdyqqa qosylyp ashyq sary kaska kıdi.
Ǵashyq jandardyń pikirinshe, olardyń úılený toıy tańdaı qaǵarlyqtaı bolmaǵan da shyǵar, biraq jurttyń esinen kópke deıin shyqpaıtyndyǵy ras.
