Úılený toıynan soń jas jubaılar mingen tikushaq apatqa ushyrady
ASTANA. QazAqparat - AQSh-tyń Tehas shtatynda turatyn Ýıll Baıler men Beılı Akerman-Baıler úılený toıynan keıin bir saǵattan soń qaza tapty, dep habarlaıdy bbc.com.
Olar mingen tikushaq San-Antonıonyń batys jaǵynda 135 shaqyrym qashyqtyqtaǵy ıÝvalde qalashyǵy mańynda apatqa ushyraǵan.
Ulttyq kólik qaýipsizdigi basqarmasynyń tergeýshisi Kreıg Hetchtiń aıtýynsha, tikushaq áýege kóterilgen soń nebári 5-10 mınýttyń ishinde qulaǵan.
Apattyń sebebi ázirge belgisiz.
Tergeýshilerge oqys oqıǵa bolǵan jerden adamdardyń máıitterin jáne qıraǵan tikushaq qaldyqtaryn shyǵarý qıyndyq týdyryp otyr. Óıtkeni tikushaq tóbeniń betkeıinde joldan 6-7 shaqyrym qashyqtyqta jatyr.
