Úılený toıy kezinde toq soqqan 24 adam qaza tapty
ASTANA. 31 qazan. QazAqparat - Saýd Arabııasynda úılený toıy kezinde toq soqqan 24 adam qaza taýyp, taǵy 42-si jaraqattandy.
Búgin «Ál Arabııa» telearnasynyń habarlaýynsha, qaıǵyly oqıǵa seısenbi kúni keshke, koroldiktiń shyǵysynda oryn aldy.
Azamattyq qorǵanys kúshteriniń aqparatynsha, joǵary kerneýli jelidegi baǵananyń qulaýy saldarynan elektr symy merekelik rásim ótip jatqan ǵımarattyń esigine tıgen. Arasynda kóbi áıelder bolǵan qonaqtardyń úreıi ushyp, japa-tarmaǵaı shyǵatyn esikke qaraı umtylǵan. Esikke qoldaryn tıgizgen adamdar sol mezette ajal qushty.
