Úılený toıy kezinde qabyrǵa qulap, 20-dan astam adam qaza tapty
ASTANA. QazAqparat - Úndistannyń batysynda úılený toıy ótip jatqan sátte kelgen qonaqtardyń ústine ǵımarattyń qabyrǵasy qulap, 20-dan astam adam ajal qushty, dep habarlaıdy jergilikti polıtsııa.
Frans press agenttiginiń deregi boıynsha, kem degende 24 adam mert bolǵan, olardyń ishinde balalar da bar. Taǵy 26 adam túrli deńgeıde jaraqat aldy, birnesheýiniń jaǵdaıy múshkil.
Oqıǵa ornynda qutqarý operatsııasy júrgizilip jatyr.
Jergilikti polıtsııa ókilderiniń aıtýynsha, Radjastan shtatynda toı bolyp jatqan kezde shańdy daýyl turyp, qonaqtar bastyrma astyna panalaǵan.
Alapat daýyl saldarynan onyń tórt metrlik qabyrǵasy opyrylyp, qonaqtar qırandylardyń astynda qalyp qoıdy.
