Úıli bolaıyq atty qarjy pıramıdasynyń qyzmeti toqtady

ALMATY. KAZINFORM – QMA Almaty qalasy boıynsha departamenti «UILI BOLAYIK» (Úıli bolaıyq) atty qarjy pıramıdasynyń qyzmetin toqtatty 

— Áleýmettik turǵyn úı baǵdarlamasy retinde búrkemelengen bul joba aıasynda uıymdastyrýshylar qatysýshylardy múlikti paıyzsyz bólip tóleý arqyly satyp alýǵa bolady dep sendirgen. Qatysýshylarǵa salǵan qarajaty úshin aı saıyn 15–30% kóleminde tabys jáne ár jańa tartylǵan adam úshin 10% bonýs ýáde etilgen. Azamattardyń qarajaty ekinshi deńgeıli bankterdegi uıymdastyrýshylardyń jeke shottaryna aýdarylyp otyrǵan, al «UILI BOLAYIK qaıyrymdylyq qorynyń» esepshottary is júzinde paıdalanylmaǵan jáne qozǵalyssyz qalǵan. Nátıjesinde bul qarjy pıramıdasyna 515 salymshy tartylyp, 50 mln teńgeden astam qarajat jınalǵan, — delingen QMA habarlamasynda.

Sot sanktsııasymen kúdiktiniń banktik shottaryna tyıym salyndy.

Oǵan qatysty elden shyǵýǵa tyıym salý túrindegi bultartpaý sharasy qoldanyldy.

Qazirgi ýaqytta tergeý amaldary jalǵasyp jatyr.

Qazaqstan Respýblıkasy Qylmystyq-protsestik kodeksiniń 201-babyna sáıkes ózge aqparat jarııalaýǵa jatpaıdy. 

Aıta ketelik Shymkentte 200-den asa adamdy aldaǵan qarjy pıramıdasynyń jumysy toqtatyldy.