Uıqysyzdyqqa qarsy dári adamdy aljytyp jiberýi múmkin
ASTANA. QazAqparat - Adam úreı men uıqysyzdyqqa qarsy dárini uzaq ýaqyt qabyldasa, aljyp, Altsgeımer aýrýyna shaldyǵýy múmkin, dep habarlady VVS kanadalyqtardyń zertteýine silteme jasaı otyryp.
Ǵalymdardyń mundaı ǵylymı tujyrym jasaýyna sebep bolǵan zertteý nátıjeleri kórsetkendeı, esinen aýysqan adamdar dárini keminde úsh aı ishken. Sol kezde atalǵan aýrýdyń asqyný qaýipi 51 paıyzǵa artqan.
Nusqaýlyqtarda ondaı dárini 8-12 apta qabyldaý qajet dep kórsetilgen. Biraq, keıbir adamdar ózderi terapeıany uzartyp alady. Ony úsh aı qabyldaý qaýipti merzim ekenin eskermeıdi. Zertteý júrgizgen Bordo ýnıversıteti qyzmetkerleri 66 jastan joǵary adamdardaǵy Altsgeımer aýrýy boıynsha tirkelgen 200 jaǵdaıdy zerttegen. Barlyq egde adamdar benzodıazepın ishken. Olardyń jaǵdaıy baqylaý tobymen (sol jastaǵy 7000 saý adamdar) salystyryldy. Zertteý keıde sol Altsgeımer aýrýynyń ózi uıqyny buzyp, úreı týdyratynyn anyqtady. Sondyqtan, dári qabyldaý aýrýǵa sebep bolýy ábden múmkin. Qalaı bolǵanda da, dárini uzaq qabyldaý qaýipti, deıdi ǵalymdar.
