Uıqysy shala adam alkogoldik ishimdik ishkenmen birdeı
ASTANA. QazAqparat - Ár uıqysyz ótken bes saǵat mıdyń jumys isteýi turǵysynan bir alkogoldi ishimdik ishý áserine teń eken. ıAǵnı, eger adam 20 saǵat uıyqtamasa, mólsherden tys ishimdik ishken adam sııaqty tolyqqandy jumys isteı almaıdy, deıdi ǵalymdar.
Aǵzaǵa uıqynyń jetispeýinen kortızol kúızelis gormonynyń shoǵyrlanýy arta túsedi eken. Dene temperatýrasy birshama tómendep, ımmýnıteti álsireı túsedi. Mıdyń da mundaı sátte, mas kúıdegideı qyzmeti nasharlaıdy.
Kórý-motorlyq úılesimdilikke tapsyrmany oryndaý turǵysynan ár uıyqtamaǵan saǵat 0,004 paıyzǵa teń qanda qosymsha spırttiń shoǵyrlanýymen sáıkes keledi. ıAǵnı, 5 saǵattan kem uıyqtaǵan adamnyń úılesimdiligi buzylady eken, dep habarlady Meddaily.ru.
Ásirese bul jastarda jıi kezdesedi, óıtkeni olar uıqysyzdyqty aýyr qabyldaıdy. Jáne mundaı jaǵdaıǵa ushyraǵan adamdar sany turaqty túrde artýda.
Budan buryn ǵalymdar keıbir adamdarda uıqysyzdyq damyp kele jatqanyn baıqaǵan. Sóıtse, olardyń mıynyń qalypty adamnyń mıynan aıtarlyqtaı ereksheligi bar eken.
Uıqysyzdyqqa ushyraǵan adamnyń mıy kúndiz neǵurlym belsendi bolady eken. Sondyqtan túnde uıyqtap ketý qıynǵa túsedi. Muny 50 jas jáne odan joǵary jastaǵy 28 adamdy tekserý nátıjesi dáleldedi. 18-ge jýyq adamda uıqysyzdyq dendegenine bir jylǵa jýyq bolǵan, al 10 adam qatty uıyqtaıtyndaryn aıtqan.
