Uıqysy qanǵan adam syrt kózge aqyldy, parasatty bolyp kórinedi - ǵalymdar
ASTANA. QazAqparat - Jańa zertteý uıqysy qanǵan oqytýshylar barynsha aqyldy, al jumys berýshiler perspektıvaly bolyp kórinetinin, sondaı-aq olardyń jumys qabilettiligi artatynyn kórsetti, dep jazady planet-today.ru.
Zertteýshilerdiń pikirinshe, uıqysy qanǵan adamdardyń qabaǵy kóterińki bolyp, tunjyrap júrmeı, kóńildi júredi. Ári barynsha aqyldy, tartymdy bolyp kórinedi.
Sent-Endrıýs (Shotlandııa) Ýnıversıtetiniń psıhologtar toby 190 adamdy zertteýden ótkizdi. Olardyń bet-pishini arnaıy baǵdarlama arqyly zerttelip, kóńil-kúıleri tarazyǵa salyndy.
Sosyn, 200-den astam adamnan turatyn saraptamalyq toptan osy adamdardyń tartymdylyǵy men parasatyn baǵalaýdy surady. Nátıje qabaǵy sál túsińki, sharshańqy tartqan adamnyń aqyl-parasaty tómen bolyp kórinetinin kórsetti. Ǵalymdar sol qatysýshylardyń uıqysy qanyp oıanǵan kezdegi sýreti men jóndi uıyqtamaǵannan keıingi sýretterin kórsetken. Qabaǵy salyńqy, tunjyrańqy adamdarda zııatkerlik qasıet tómen bolyp kóringen.
