Uıqynyń qanbaýy dıabetke shaldyǵý táýekelin arttyrady - ǵalymdardyń pikiri
ASTANA. Qyrkúıektiń 8-i. QazAqparat - Uıqynyń qanbaýy dıabetke shaldyǵý táýekelin arttyrady eken. Ýorık ýnıversıtetiniń ǵalymdary (Anglııanyń Ýorıkshır graftyǵy) alty jyl boıy júrgizilgen zertteý jumystarynan keıin, osyndaı túıinge kelip otyr, dep habarlaıdy ITAR-TASS agenttigi.
Ǵalymdar uıqynyń qanbaýy men dıabetke shaldyǵardyń aldynda adam aǵzasynda oryn alatyn IDG (ash ózek jaǵdaıda glıkemııanyń óz erkimen buzylýy) qubylysynyń arasynda tikeleı baılanystyń bar ekenin anyqtaǵan. IDG belgisi baıqalǵan adamdardyń aǵzasy qandaǵy glıýkozany tıimdi retteý qabiletin joǵaltady, sonyń saldarynan adamnyń ekinshi tıptegi qant dıabetine (ınsýlınge táýeldi dıabetpen) shaldyǵý táýekelin arttyrady.
1 myń 455 patsıenttiń densaýlyǵyn birneshe jyl boıy baqylaǵan ǵalymdar, adamnyń túngi uıqysy únemi 6 saǵattan kem bolsa, onyń dıabetke shaldyǵý táýekeli úsh esege artady degen qorytyndyǵa kelip otyr.
