Uıqynyń buzylýy qaterli isik aýrýlaryn týdyrýy múmkin
ASTANA. 22 qańtar. QazAqparat - Garvard qoǵamdyq densaýlyq saqtaý mektebiniń zertteýshileri uıqynyń buzylýy prostatıt jáne sút bezderi obyrynyń paıda bolý qaýpin arttyratynyn anyqtaǵan.
Bul derekter amerıkandyq qaterli isik aýrýlaryn zertteý qaýymdastyǵynyń jyl saıynǵy konferentsııasynda aıtyldy, dep habarlaıdy Rosbalt.
Garvard qoǵamdyq densaýlyq saqtaý mektebiniń zertteýshileri uıqynyń buzylýy qýyq asty beziniń jáne sút bezderi obyrynyń týyndaýy múmkindigin joǵarlatatynyn jetkizdi. Bul derekter Amerıkadaǵy qaterli isikti zertteý qaýymdastyǵynyń jyl saıynǵy konferentsııasynda aıtyldy.
Zertteýge erikti túrde qatysýshylardy baqylaý 7 jylǵa - 2002 jyldan bastap 2009 jylǵa deıin sozylǵan. 928 ıslandyqtyń 111-inen qýyq asty beziniń obyry tabylsa, 24 eriktiniń aýrýy ómirge qaýip tóndiretin sıpat alǵan.
Túnde uıyqtamaıtyn áıelder de obyr dertine ushyraýǵa beıim bolady eken - názik jandar qaýymynyń sút bezi obyrymen syrqattaný yqtımaldyǵy zor.
Bul zańdylyq uıqynyń buzylýy saldarynan adam uıyqtaǵan kezde onyń aǵzasynda óndiriletin «túngi gormon» - melatonın deńgeıiniń tómendeýimen túsindiriledi. Eger melatonın deńgeıi joǵary bolatyn bolsa, qaýipti isik aýrýlarynyń týyndaý qateri kemıdi eken.
