«Uıqydaǵy aýyldar» - Kalachı men Krasnogorskiniń búgingi tynys-tirshiligi qandaı
KÓKShETAÝ. QazAqparat - Aqmola oblysynyń Óńirlik kommýnıkatsııalar qyzmetinde ótken brıfıngte Esil aýdanynyń ákimi Talǵat Erseıitov «uıqydaǵy aýyldar» - Kalachı jáne Krasnogorsk turǵyndarynyń búgingi turmys-tirshiligi jaıly aıtty, dep habarlaıdy QazAqparat tilshisi.
Brıfıngte Talǵat Erseıitov aldymen, aýdannyń aýyl sharýashylyǵy salasyndaǵy ahýalyna toqtaldy.
«Aýdanda aýyl sharýashylyǵy, ındýstrııalandyrý, shaǵyn jáne orta bıznes salasy óndirilgen ónim kólemi boıynsha jaqsy dınamıka saqtalǵan. Máselen, jyl qorytyndysy boıynsha negizgi kapıtalǵa salynǵan ınvestıtsııalar kólemi 5813,9 mıllıon teńgeni qurasa, ónerkásip salasynda 3748,2 mıllıon teńgeniń, aýyl sharýashylyǵy salasynda 23425,7 mıllıon teńgeniń ónimi óndirilgen», - dep atap ótti ol.
Atap ótilgendeı, búginde aýdanda 561,1 myń gektar alqap tsıfrlandyrylǵan.
«Ótken jyly 561,1 myń gektar egistik alqap tsıfrlandyryldy. Sonymen qatar, 92 myń gektar jaılymdyq, 1,9 myń gektar shabyndyq jəne 45,7 gektar kópjyldyq egistik jerlerge de tsıfrlandyrý júrgizildi. Bul baǵyttaǵy jumystar bıylǵy jyly odan ári jalǵasatyn bolady», - dep tolyqtyrdy Talǵat Erseıitov.
Brıfıngte aýdan ákimi áleýeti tómen eldimekender qataryndaǵy «uıqydaǵy aýyldar» - Kalachı jáne Krasnogorsk turǵyndarynyń əleýmettik máselesin de esten shyǵarǵan joq. Əkimniń aıtýynsha, 5 jyl boıy «uıqy syrqaty» meńdegen bul aýyldar turǵyndarynyń turmystyq jaǵdaıy men densaýlyǵyn əkimdik qyzmetkerleri men dərigerler turaqty baqylap otyrady.
«Kalachı aýylynda negizgi mektep jumys istep tur. Onda aýyldyq dárigerlik ambýlatorııa, okrýg ákimdigi jáne ózge áleýmettik-mádenı mekemelerdiń barlyǵy osy mektep qabyrǵasyna jaıǵastyrylǵan. Kalachı jáne Krasnogorsk aýyldaryn bólip jaryp aıtýǵa bolmaıdy. Ekeýi bir-birine jaqyn ornalasqan. Al, osydan birer jyl buryn bútin eldi dúrliktirgen «uıqy aýryna» keletin bolsaq, búgingi kúni turǵyndar arasynda bul aýrýdyń belgileri baıqalmaıdy. Jylyna eki ret Kókshetaýdaǵy Aqmola oblystyq aýrhanasynyń dáriger mamandary kelip, turǵyndardy tekserip turady. Ózimizde aı saıyn atalmysh aýyldarda bolyp, turǵyndardyń áleýmettik máselelerin nazarǵa alyp otyramyz. Qazirgi kezde, Kalachı aýylynda shamamen 360 adam turady. Ótken jyly oblys ákimniń tapsyrmasymen qurylysy turalap qalǵan eki páterli 4 turǵyn úıdi sharýashylyq sýbektileri jóndedi, onda aýyl turǵyndary qonystandy», - dep túıindedi Talǵat Erseıitov.
