Úıqamaqtaǵy qazaqstandyqtardyń 60 paıyzyna elektrondy bilezik taǵyldy

ASTANA. KAZINFORM – Bıyl elimizde qylmystyq isterdi qaraý 5,9 paıyzǵa artqan. Bul týraly Joǵarǵy sottyń qylmystyq ister jónindegi sot alqasynyń tóraǵasy Nazgúl Rahmetýllına málim etti.

Osyǵan qaramastan, alqa basshysy sot tóreligin júzege asyrý sapasynyń ońalǵanyn aıtyp otyr. 

- 4,8% sot aktileriniń apellıatsııada kúshi joıyldy jáne ózgertildi, al kassatsııada – 1%. Bas bostandyǵynan aırylǵandardyń sany 3,8%-ǵa kóbeıdi, osy rette aıyppul arqalaǵan jáne qoǵamdyq jumysqa tartylǵandardyń da sany artty, - dedi Nazgúl Rahmetýllına Joǵarǵy sottyń jyldy qorytyndylaýǵa arnalǵan keńeste. 

Sot alqasy tóraǵasynyń málimetine súıensek, sotpen qamaýǵa alýdy sanktsııalaý týraly ótinishhattar ótken jylǵa qaraǵanda azaıǵan. (Byltyr 75,8%, bıyl 74,5%). 

- Bıyl sot úıqamaqqa alý tásilin 5 ese, kepildik alý 8 ese kóp qoldandy. Úıqamaqtaǵy adamdardyń 60%-na elektrondy bilezik taǵyldy (2021 jyly bul kórsetkish 3%-dan aspaǵan). Sonymen qatar qylmystyq quqyq jáne protsestik máseleleri boıynsha 12, ákimshilik quqyq buzýshylyq týraly zańnama boıynsha 1 normatıvtik qaýlyǵa ózgerister men tolyqtyrýlar engizildi, - deıdi ol. 

Buǵan deıin Joǵarǵy sot otyrysynda memlekettik organdar aınalasyndaǵy daý-damaıdyń artqany aıtylǵan edi. 

Aıta keteıik, búgin elordada 2024 jylǵy sot tóreligin júzege asyrýdyń qorytyndysy boıynsha Joǵarǵy sot korpýsynyń keńeıtilgen keńesi ótti.