Úıqamaqta otyrǵan ıtalııalyq ózin túrmege qamaýdy talap etti

Italııanyń Frozınone kommýnasynyń úı qamaýynda otyrǵan turǵyny Rojdestvo merekesin basqa tutqyndarmen birge toılaý úshin ózin qamaýǵa alýdy suraǵan. Kazinform bul týraly Mir24 resýrsyna silteme jasap habarlaıdy. 

24 jastaǵy Marıo jalǵyz turady jáne usaq qylmystary úshin úıqamaqta otyr.

Mereke qarsańynda ol úıinen qashyp, San-Domenıko túrmesine barǵan.

Ol qysqy merekeni jalǵyz ótkizbes úshin tártip saqshylarynan jazasynyń qalǵan bóligin túrmede óteýdi suraǵan.

Alaıda Marıonyń ótinishi qabyldanbaı, ony qaıtadan úıqamaqqa jiberdi, dep jazady Corriere Della Sera gazeti.

Buǵan deıin Italııanyń Pordenone qalasynda qaskúnemder páter tonap, onyń ıesinen keshirim surap jazba qaldyrǵan edi.

Qylmyskerler tamaq alyp jeıtin aqshasy joq ekenin jazǵan.