Úıiniń janyndaǵy qarasorany julǵan ShQO turǵyny qoǵamdyq jumysqa tartyldy

ÓSKEMEN. QazAqparat – Shyǵys Qazaqstan oblysy Ulan aýdanynda úıiniń janynda ósip turǵan qarasorany julǵan er adam 100 saǵatqa májbúrli eńbekke tartyldy, dep habarlaıdy QazAqparat tilshisi.

ShQO boıynsha Qylmystyq-atqarý júıesi departamenti baspasóz qyzmetiniń málimetine súıensek, Ulan aýdanynyń turǵyny úıiniń mańynda ósken jabaıy qarasorany julyp alǵan. Sodan keıin ony keptirip, qorapqa salyp úıiniń shatyrynda zańsyz saqtaǵan.

Aýdandyq sot 38 jastaǵy er adamdy Qazaqstan Respýblıkasy Qylmystyq kodeksiniń 296-baby 2-bóligine sáıkes kináli dep tapty.

«Sot úkimimen aıyptalýshy 100 saǵattyq qoǵamdyq jumysqa tartyldy. Qazir ol probatsııa qyzmetinde tirkeýde tur. Endi er adam bir aı boıy aýyldardy abattandyrýmen aınalysatyn uıymdardyń birinde jumys isteıdi», - dedi Ulan aýdandyq probatsııa qyzmetiniń bastyǵy Janbolat Keńeshanov.