Úıiniń terezesinen jylqylarǵa oq atqan Rýdnyı turǵyny ustaldy
RÝDNYI. QazAqparat – Rýdnyı qalasynda ishimshikke mas bolǵan er adam úıiniń terezesinen dalada júrgen jylqylarǵa oq atqan, dep habarlaıdy QazAqparat tilshisi.
«Qostanaı oblystyq polıtsııa departamenti qarýǵa uqsaıtyn zat ustaǵan er adam beınelengen vıdeoǵa qatysty túsinikteme beredi. Atalǵan faktige oraı polıtsııa shyndyǵynda da 22 tamyz kúni Rýdnyı qalasynda, 32 jastaǵy azamattyń mas kúıde saǵat shamamen 17:30-da óziniń ekinshi qabatta ornalasqan páteriniń balkonynan qaraýsyz júrgen jylqylarǵa pnevmatıkalyq tapanshamen birneshe márte oq atqandyǵyn rastaldy», - delingen vedomstvo aqparatynda.
Atalǵan fakti tirkelip, pnevatıkalyq tapansha tárkilengen. Protsessýaldyq sheshim qabyldanǵaly jatyr. Sonymen qatar qaraýsyz júrgen jylqylardyń ıesin anyqtaý is-sharalary da qolǵa alynǵan. Oqıǵa kezinde zardap shekkender men qaza tapqandar joq.
Avtory: Janna Musabaeva