Úıiniń mańaıynda sý jınalǵan astanalyqtar qaıda habarlasýy kerek
Nur-Sultan qalasy TJD bastyǵynyń orynbasary Esen Baıyrov qaladaǵy nysandar men jer úı turǵyndaryna úndeý tastady.
«Turǵyn úı keshenderi men bıznes ortalyqtary men saýda-oıyn-saýyq ortalyqtarynyń ákimshilik ǵımarattaryna qyzmet kórsetetin kompanııalardyń ókilderine, sondaı-aq jeke turǵyn úılerdiń ıelerine mynany aıtqym keledi. Aýa raıynyń kúrt ózgerýine jáne qardyń erýine baılanysty, sondaı-aq tótenshe jaǵdaılar men jaraqattanýdy boldyrmaý maqsatynda Nur -Sultan qalasynyń tótenshe jaǵdaılar departamenti ózińizge tıesili aýmaqta, sý tasqynyna qarsy ýaqtyly is-sharalar ótkizýdi usynady», - dedi Esen Baıyrov onlaın-brıfıngide.
Basqarma ókili turǵyn úı keshenderi men ákimshilik ǵımarattardyń ókilderi bul kezeńde kireberis shatyrlary men kúnqaǵarlardy qar men muzdan tazartyp, úı mańyndaǵy jáne irgeles aýmaqtaǵy jaıaý joldardy taza ustaý kerektigin eskertti
«Jeke turǵyn úılerdiń turǵyndaryna aýladaǵy qardy syrtqa shyǵaryp, ony kommýnaldyq qyzmet ókilderi alyp ketetindeı etip jol jıegine úıýdi usynamyz. Bul is-sharalar ýchaskelerdi sý basý múmkindigin azaıtýǵa múmkindik beredi. Qurmetti azamattar! Yqtımal tótenshe jaǵdaılarǵa jol bermeý úshin qaýipsizdik nusqaýlary men negizgi erejelerin saqtaýyńyzdy suraımyz»,- dedi Esen Baıyrov.
Ol-sondaı-aq, jol boıynda nemese turǵyn úıdiń mańynda qar sýy jınalyp jatsa, Nur-Sultan qalasy ákimdiginiń IKomek biryńǵaı baılanys ortalyǵyna «109» nómiri boıynsha habarlasý kerektigin aıtty. Qalanyń aýdandyq ákimdikterine kelesi nómirler boıynsha qońyraý shalý qajet: Saryarqa aýdany – 55-66-13, 55-74-22, Baıqońyr aýdany – 8775-970-99-99, 8702-348-82-88, Esil aýdany – 55-66-13, 55-74-22, 8778-455-89-69, Almaty aýdany – 8702-868-66-33.