Úıinen tonnaǵa jýyq aqsha tabylǵan eks-general qaıtys boldy - QHR
BEIJІŃ. QazAqparat - Jeksenbi kúni QHR Ortalyq áskerı keńesi tóraǵasynyń burynǵy orynbasary Sıýı Tsaıhoý Beıjińdegi gospıtaldardyń birinde qaıtys boldy, dep habarlady qytaılyq BAQ.
2014 jyldyń 15 naýryzynan bastap, 71 jastaǵy Sıýı Tsaıhoýdyń jumysynda onyń sybaılas jemqorlyqqa qatystylyǵy týraly partııa tarapynan tekserý júrgizilgen. Sol jyldyń maýsym aıynda QKP ony partııa qatarynan shyǵaryp, isin áskerı prokýratýraǵa tapsyrǵan. Tergeý barysynda eks-general para alyp kelgenin moıyndady. 27 qazanda áskerı prokýratýra isti sotqa tapsyrdy. Tergeý amaldarynyń qorytyndysyna sáıkes, ol ózge adamdardy «joǵarylatý» maqsatynda iri kólemde para alyp turǵan. «Fenhýan chjoýkan» Gonkong aptalyǵynyń málimetine súıensek, Sıýı Tsaıhoýdiń úıin tintý kezinde polıtsııa tonnaǵa jýyq dollar, eýro, ıýan tapqan. Sonymen qatar, onyń úıindegi 2 myń sharshy metr jertóleden asyl tastar tabylǵan. Osynshama baılyqty alyp ketý úshin 10-shaqty áskerı júk kóligi shaqyrtylǵan.
