Úıinen shyǵyp ketken: 44 jastaǵy atyraýlyq 11 kúnnen beri izdestirilýde
ATYRAÝ. QazAqparat – Atyraýda 44 jastaǵy er adam iz-túzsiz joǵalyp ketti, dep habarlaıdy QazAqparat.
Oblystyq Polıtsııa departamentiniń baspasóz qyzmetinen málim etkendeı, er adam 31 qazanda úıinen shyǵyp ketip, qaıta oralmaǵan.
«Atyraý qalalyq polıtsııa basqarmasyna 8 qarashada saǵat 17:00 shamasynda 1989 jylǵy áıel nekedegi kúıeýi Baýyrjan Talpaqovtyń úıine oralmaǵany týraly aryzdandy. Er adam úıinen 31 qazanda shyǵyp ketip, sodan beri úıine qaıta oralmaǵan. Qazir adam joǵalý deregimen qylmystyq is qozǵaldy, izdeý jarııalandy», - dep habarlady departamenttiń baspasóz qyzmetinen.
Joǵalǵan er adam sońǵy ret 2 qarashada baılanysqa shyqqan.
Ony izdestirý boıynsha habar taratyldy: boıy 175-180 sm, qyzǵylt-kók tústi qysqa kúrte kıgen.
Eske salaıyq, budan buryn joǵalyp ketken 31 jastaǵy er adam týraly jazǵan edik. Onyń denesi Atyraý qalasynyń mańyndaǵy Talǵaıran-2 aýylynda turǵyn úıdiń ishinen tabyldy. Al kóligi qalanyń ózge shaǵyn aýdanynda tabyldy. Sot-medıtsınalyq saraptama taǵaıyndaldy.
