Úıinen qashyp ketken eki jetkinshek Taldyqorǵannan tabyldy
TALDYQORǴAN.QazAqparat - Úıinen qashyp ketken eki jetkinshek Taldyqorǵannan tabyldy. Ata-anasy men, tártip saqshylaryn aıaǵynan tik turǵyzǵan balalar qaladaǵy Bıken Rımova atyndaǵy drama teatrdyń mańynda alańsyz júrgen. Olar 80 shaqyrym jerden Taldyqorǵandy kórý úshin kelgenderin aıtty, dep habarlaıdy QazAqparat tilshisi.
11 jáne 12 jastaǵy ul balalar Kerbulaq aýdanyndaǵy Shubar aýylynyń turǵyndary bolyp shyqty. Іz-túzsiz joǵalǵannan keıin ata-analary polıtsııaǵa júgingen. Eki jetkinshekti Kerbulaq aýdanynyń ıývenaldy polıtsııasynyń qyzmetkerleri tapty.
«Ata-analarynyń sózinshe, balalardyń buǵan deıin mundaı áreketi bolmaǵan. Olar esh ýaqytta ruqsatsyz basqa jerge barmaǵan. Qazir balalar ata-analaryna qaıtaryldy»,- deıdi oblystyq ІІD baspasóz qyzmetindegiler.
Sondaı-aq oblystyq polıtseılerdiń málimetinshe, sońǵy eki táýlik ishinde iz-tússiz joǵalǵan 20 adamnyń mekenjaıy anyqtalǵan. Olardyń 8-i jetkinshekter.
