Úıinen qashyp ketken almatylyq jasóspirim Qyzylordadan tabyldy
Almaty oblysy Polıtsııa departamentiniń Panfılov aýdandyq polıtsııa bólimine 36 jastaǵy azamatsha 14 qarasha kúni kámeletke tolmaǵan balasynyń úıinen belgisiz baǵytta shyǵyp, qaıtyp oralmaǵany týraly habarlady. Sodan keıin elimizdiń barlyq óńirine jasóspirimniń sýretteri bar baǵdar jiberilgen.
«Qyzylorda qalalyq Polıtsııa basqarmasynyń qyzmetkerleri osy maqsatta eriktilermen birge balany izdestirýge belsene qatysty. Nátıjesinde 15 qarashada saǵat 16.00-de jasóspirim Qyzylorda qalasynyń avtovokzalynan tabylǵan. Mán-jaıdy anyqtaý barysynda balanyń Shymkent qalasyna deıin jetip, taksımen Aqtóbede turatyn ákesine barmaq bolǵany anyqtaldy. Ol ákesine aman-esen tabys etildi. Balanyń ákesi qyzylordalyq polıtseılerge kásibı sheberligi úshin alǵysyn bildirdi», - dep málim etti .
Budan buryn Qyzylordada joǵalǵan 15 jastaǵy qyz Óskemennen tabylǵan edi.