Úıinde jasóspirimge oq atylǵan eks-ákim sot otyrysyna kelmedi
ORAL. QazAqparat - Oralda jasóspirim bala óziniń qurdasyna oq atýyna baılanysty qozǵalǵan isti qaraý keıinge shegerildi, dep habarlaıdy QazAqparat tilshisi.
Oqıǵa bıylǵy 21 qańtar kúni Bórli aýdanynyń burynǵy ákimi Qaıyrǵalı Imashevtiń úıinde boldy. Úı ıesiniń uly qonaqqa kelgen balaǵa abaısyzda qarýdan atyp, aýyr jaralaǵan edi. Q.Imashevtiń ústinen QR QK 289-babyna sáıkes (atys qarýyn uqypsyz saqtaý) qylmystyq is qozǵalǵan bolatyn.
Alaıda, atalmysh is boıynsha 20 maýsym kúni ótýi tıis bolǵan basty sot talqylaýyna Q.Imashev kelmedi. Sotqa onyń naýqastanyp qalǵany jetkizildi. Sol sebepti sot otyrysy keıinge shegerildi.
Oral qalalyq sotynan túsken málimetke qaraǵanda, qazirgi kezde ol aýrýhanadan shyqty. Іsti qaraýdy osy aptada jalǵastyrý kózdelýde.
Aıta keteıik, atys qarýyn uqypsyz saqtaý aýyr zardaptarǵa ákep soqtyrady. Ondaı jaǵdaıda qarý ıesine úsh júz aılyq eseptik kórsetkishke deıingi mólsherde aıyppul salynýy ne sol mólsherde, ne eki júz qyryq saǵatqa deıingi merzimge qoǵamdyq jumystarǵa tartylýy múmkin. Nemese aıyptyny jetpis bes táýlikke deıingi merzimge qamaý týraly da úkim shyǵarylýy yqtımal.
