Úıinde sýrrogat alkogol jasaıtyn tseh ashqan Jitiqara qalasynyń turǵyny ustaldy

QOSTANAI. QazAqparat - Qostanaı oblysynda jeke úıde jumys istegen alkogol jasaıtyn astyrtyn tseh anyqtaldy, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

Komıtettiń Qostanaı oblysyndaǵy Ekonomıkalyq tergeý departamenti oblystyń saýda oryndarynda sýrrogat alkogol ónimderi satylýyna qatysty tekserý júrgizdi.

«Jeke úıde alkogol ónimin jasaıtyn astyrtyn tsehtyń qyzmetin uıymdastyrǵan Jitiqara qalasynyń turǵyny áıel adam ustaldy. Tsehty tekserý barysynda spırt qosylǵan suıyq, ónimdi quıýǵa arnalǵan jabdyqtar, túrli ydystar, sondaı-aq, zańsyz kásipkerlik qyzmette qoldanylǵan materıaldar anyqtaldy», delingen habarlamada.

Jitiqara aýdandyq sotynyń ókimimen zańsyz tsehtyń ıesi ákimshilik quqyq buzýshylyqty jasaǵany úshin aıypty dep tanylyp, aıyppul salyndy. Spırt qosylǵan barlyq suıyqtyq tárkilendi.