Úıinde qoldan esirtki jasaǵan 41 jastaǵy kókshetaýlyq ustaldy
KÓKShETAÝ. QazAqparat - Úıinde esirtki zattaryn qoldan ázirlep kelgen Kókshetaý qalasynyń 41 jastaǵy turǵyny qolǵa tústi, dep habarlaıdy QazAqparat tilshisi.
ІІD baspasóz qyzmetiniń málimeti boıynsha kúdikti azyq-túlik dúkeninen taǵam ázirlegende qoldanylatyn kóknár (mak) satyp alyp, odan úıinde esirtki zatyn daıyndap kelgen.
«Kókshetaý qalalyq ІІB esirtki bıznesimen kúres bólimshesiniń qyzmetkerleri kúdiktiniń úıinen iri kólemde, ıaǵnı, mólsheri 3 lıtr 275 gramm 4 shólmek «apıyn qospasy» eritindisin tárkiledi. Oǵan qosa medıtsınalyq (ıne) shprıts jáne esirtki zatyn jasaıtyn qoldan jasalǵan quraldardy tapty. Kúdikti áıeli jáne kámelettik jasqa tolmaǵan úsh balasymen birge turǵan», dep túsindirdi polıtseıler.
Qazirgi kezde, kúdikti ýaqytsha ustaý oqshaýlaǵyshyna toǵytylyp, ústinen QR QK 296-babynyń 4-bólimi boıynsha qylmystyq is qozǵaldy.
