Úıin jınap jatqan áıel avıatsııalyq bombany taýyp aldy
ASTANA. QazAqparat - Reseıdegi Astrahan oblysynyń turǵyny úıin jınaǵan kezde avıatsııalyq bombany taýyp aldy.
«Astrahan oblysynyń Ahtýbınskıı aýdanynda qýatty áýe bombasy zııansyzdandyryldy», - dep habarlady «Interfaks» agenttigine Reseı TJM Bas basqarmasynyń aımaq boıynsha baspasóz qyzmetiniń basshysy Dmıtrıı Dýbrovskıı.
«Búgin Verhnıı Baskýnchak kentinen 5 shaqyrym jerde Ekinshi Dúnıejúzilik soǵys kezindegi nemistiń FAB-50 áýe bombasy joıyldy. 8 sáýir kúni bombany Sovetskaıa kóshesindegi úıde turatyn jergilikti áıel taýyp alǵan. Páter jaldaýshylary úıdi bosatqan soń ony jınaýǵa kirisken áıel bombaǵa tap boldy», - dedi Dýbrovskıı, bombanyń salmaǵy 50 kelini quraǵanyn naqtylap.
Aldyn ala shamalaý boıynsha, bombany áıeldiń páterin jaldaýshylar tapqan. Olar muny metall synyqtaryn tapsyrý ornyna ótkizbek bolǵan.
