Úıin esirtki zerthanasyna aınaldyrǵan 29 jastaǵy almatylyq ustaldy
Oqıǵa Medeý aýdanyndaǵy baýbaqsha seriktestikteriniń biriniń turǵyn jaıynda bolǵan. Ol sıntetıkalyq esirtkini zańsyz saqtap, zerthanalyq jolmen óndirdi jáne taratty degen kúdikpen ustaldy.
«Onyń úıinen ishinde aqshyl tústi untaq zaty bar tsellofan paketteri, erekshe ıisi bar, qumyraǵa ósirilgen jasyl ósimdiktiń butalary, suıyqtyqtary bar ydystar, untaqty zattyń qabattarynyń temperatýrasyn ólsheıtin pırometr, arnaıy kombınezon tabyldy. Sondaı-aq, úı aýmaǵynan aǵash konstrýktsııa – sıntetıkalyq esirtki jasaýǵa arnalǵan taqtaı, shıkizatty aralastyrýǵa arnalǵan temir aralastyrǵyshtary bar elektrli burǵylar jáne t.b. tabyldy jáne tárkilendi. A.esimdi azamattyń aıtýynsha, onyń bul kásipke kelgenine kóp bolǵan joq. Oǵan bul isti ınternet qosymsha arqyly mefedron psıhotroptyq zatyn jasaýdyń ıngredıentteri men nusqaýlary bar synama alǵyshtan bastaý usynylǵan, muny jasaǵany úshin jomart syıaqy ýáde etken. Qaskóı kelisken soń «jumys berýshiler» oǵan qajetti shıkizatty alý úshin koordınattardy jibergen», – dedi Almaty qalalyq polıtsııa departamenti bastyǵynyń orynbasary Dıdar Ahanov.
Tárkilengen zattarǵa sot-hımııalyq saraptama taǵaıyndaldy. Kúdikti tergeýde.
Foto: polisia.kz
