Úıin bosatýǵa qarsylyq bildirgen Shymkent turǵyny ózine ystyq sýdy quıyp jiberdi
ShYMKENT. 16 qazan. QazAqparat - Úıin bosatýǵa qarsylyq bildirgen Shymkent turǵyny ústine ystyq sý quıyp jiberip, óz-ózin kesetindigin aıtyp qorqytty.
Shymkentte sot oryndaýshylar baspanalardyń úlestirilý zańdylyǵyn tekserý maqsatynda «Dostyq» shaǵynaýdanynda reıdter ótkizýde.
Anyqtalǵandaı, qazirgi ýaqytta «Dostyqta» 48 páter jalǵa beriledi. Olardyń birin A. Tileýkenov jaldap otyr. Sot oryndaýshylardyń aıtýynsha, er adamǵa bul jerden baspana berilgen, biraq ol turyp jatqan jerin bosatýdan bas tartyp otyr. Bastapqyda ol ústine qaınaǵan sýdy quıyp, keıin qarnyn jaryp jiberetindigin aıtyp qorqytqan. A. Tileýkenovty sabyrǵa dárigerler keltirdi. Er adam zańsyz alǵan baspanasynan ketetini týraly qolhat jazdy.
Kezekte - «Dostyq» shaǵynaýdanyndaǵy taǵy bir otbasyn shyǵarý tur. Taǵy 15 adamnyń isteri sottyń qaraýynda.
Esterińizge sala keteıik, bul shaǵynaýdannyń qurylysy Shymkentte 2006 jyly bastalǵan bolatyn. Bıliktiń jospary boıynsha, bul baspanalar turmysy nashar turǵyndarǵa arnalǵan.
