Uıymdasqan qylmystyq top múshesi Eldos Qospaev pen onyń sybaılastary sottaldy

ASTANA. KAZINFORM –  Elorda soty uıymdasqan qylmystyq top múshesi Eldos Qospaev pen onyń sybaılastaryna qatysty úkim shyǵardy.

- Qazaqstan Respýblıkasy Qylmystyq kodeksi 58-babynyń 3-bóligi negizinde Eldos Qospaevtyń múlkin tárkilep, 15 jylǵa bas bostandyǵynan aıyrý túrindegi jazasy taǵaıyndalady. Sonymen qatar kommertsııalyq uıymdarda 10 jyl merzimge deıin laýazymdy qyzmet atqarý quqyǵynan jáne alkogol ónimimen baılanysty salada 10 jyl merzimge aınalysý quqyǵynan aıyrý jazasy taǵaıyndalady, - degen úkim shyǵardy Astana qalasynyń qylmystyq ister jónindegi mamandandyrylǵan aýdanaralyq sotynyń sýdıasy Almat Isfahan.

Sondaı-aq sýdıa Eldos Qospavtyń aǵasy Aıdos Kospaevtyń da múlki tárkilep, 12 jylǵa bas bostandyǵynan aıyrý jazasyn taǵaıyndady. Sol sııaqty kommertsııalyq uıymdarda laýazymdy qyzmet atqarýǵa tyıym salyndy.

Odan bólek, uıymdasqan qylmystyq top múshesi Eldos Qospaevtyń sybaılastaryna úkim shyqty:

Rýslan Shalın – múlki tárkilenip, alkogol ónimin ótkizý salasyndaǵy qyzmetpen aınalysý quqyǵynan aıyrylyp, kommertsııalyq uıymdarda 10 jylǵa basshy laýazymdardy atqarý quqyǵynan aıyrylyp, 12 jyl bas bostandyǵynan aıyrý;

Eran Imashev - múlki tárkilenip, alkogol ónimin ótkizý salasyndaǵy qyzmetpen aınalysý quqyǵynan aıyrylyp, kommertsııalyq uıymdarda 10 jylǵa basshy laýazymdardy atqarý quqyǵynan aıyra otyryp, 12 jyl bas bostandyǵynan aıyrý;

Dastan Ábijanov – múlki tárkilenip, kommertsııalyq uıymdarda 10 jylǵa basshy laýazymdardy atqarý quqyǵynan aıyra otyryp, 12 jyl bas bostandyǵynan aıyrý;

Kamardın Alymov – múlki tárkilenip, kommertsııalyq uıymdarda 10 jylǵa basshy laýazymdardy atqarý quqyǵynan aıyra otyryp, 12 jyl bas bostandyǵynan aıyrý;

Raýan Babaev - 12 jylǵa bas bostandyǵynan aıyrý, múlki tárkilenip, 10 jylǵa kommertsııalyq uıymdarda basshylyq laýazymdardy atqarý quqyǵynan aıyryldy;

Oksana Kýdrıashova – 10 jyl merzimge býhgalterlik qyzmetpen aınalysý quqyǵynan aıyra otyryp, múlki tárkilenip, 10 jylǵa bas bostandyǵynan aıyrý;

Alekseı Kýznetsov - 12 jylǵa bas bostandyǵynan aıyrý, múlki tárkilenip, alkogol ónimin satý salasyndaǵy qyzmetpen 10 jylǵa aınalysý quqyǵynan aıyryldy;

Tımýr Tanashev - 12 jylǵa bas bostandyǵynan aıyrý, múlki tárkilenip, kommertsııalyq uıymdarda 10 jylǵa basshy laýazymdardy atqarý quqyǵynan aıyryldy;

Vasılıı Babýshkın- 3 jyl merzimge alkogol ónimin ótkizý salasyndaǵy qyzmetpen aınalysý quqyǵynan aıyra otyryp, múlki tárkilenip, quqyǵynan aıyrylǵan 9 jyl bas bostandyǵynan aıyrý.

Eske sala keteıik, Ulttyq qaýipsizdik komıteti 2023 jylǵy 6 qyrkúıektegi operatsııasynyń qorytyndysy boıynsha Soltústik Kıprden Qazaqstanǵa Eldos Qospaev jáne ol bastaǵan qylmystyq toptyń 7 múshesin jetkizgen edi. 

Halyqaralyq izdeýde bolǵan uıymdasqan qylmystyq top músheleri Eldos Qospaev, Aıdos Qospaev, Aıbek Qospaev, Rýslan Shalın, Oksana Kýdrıashova, Alekseı Kýznetsov, Erlan Imashev ustalyp, sot sheshimimen ýaqytsha ustaý ızolıatoryna qamaldy.

Qylmystyq top kúsh qoldanyp, qoqan-loqqy jasap, kásipkerlerdiń múlkin basyp alý, sondaı-aq Almaty qalasy men Almaty oblysy aýmaǵynda kóleńkeli kásipkerlikti júzege asyrdy degen kúdikke ilingen.

Byltyr 1 naýryzda uıymdasqan qylmystyq top múshesi Eldos Qospaev pen onyń sybaılastaryna qatysty tergeý amaldary aıaqtaldy.