Úıi jylymaı jatqan almatylyqtar qaıda habarlasa alady
Osydan eki kún buryn «Almaty jylý jelileri» kásipornynyń ókilderi qala nysandaryna jylý beriletinin habarlaǵan bolatyn. Alaıda, áli de jylýsyz otyrǵan úıler kóp.
Áleýmettik jelilerde shaǵymdanýshylardyń sany artyp keledi.
«Almaty jylý jelileri» JShS ókilderi kommýnaldyq qyzmetter óz mindetin atqarǵanyn aıtty. Olardyń paıymdaýynsha, jylýdyń páterlerge jetpeı jatqany PIK qyzmetiniń osaldyǵynan bolyp otyr.
«Jylý energııasy keshenine qarasty kásiporyndar shtattyq rejımde jumys istep tur. Barlyq normatıvti parametrlerdi eskere kele, jylý úzdiksiz berilip jatyr. Alaıda, keı úılerdiń ishki jylý jetkizý júıesi durys jumys istemeıdi. Bul jeliler úshin ǵımarat ıesi jaýap berýi tıis. Bizdiń keshender úıdiń ishki qubyrlary úshin jaýapty emes. Biz elevatorǵa deıin jylý jetkizemiz. Al odan ári ǵımarat ıesi nemese PIK jetkizýi kerek», - deıdi kásiporyn ókili ıAn Gırın.
Úıdegi batareıa jylymaı, áýrege túsken tutynýshylar servıs kompanııalaryna nemese PIK-ke habarlasýy kerek. Eger olar máseleni sheshýden bas tartsa, turǵyndar jınalyp, PIK arqyly qyzmet kórsetýshi kompanııadan mindetin oryndaýdy talap etýge tıis.
«Buryn úı ishindegi jylý jelileriniń problemasyn biz sheshetinbiz. Qazir bul máseleni naryqqa berdik. Onda jekemenshik kompanııalar jumys jasap jatyr», - dedi ıAn Gırın.
