Úıi tolyǵymen órtenip ketken qostanaılyq kómek suraıdy
Oqys oqıǵa 5 qyrkúıek kúni túnde bolǵan. Qostanaı oblystyq TJD apattyq-qutqarý jáne órt sóndirý bólimine úıdiń órtengeni týraly habar tańǵa jýyq jetken.
«Órt sóndirýshiler kelgende Svoboda kóshesindegi 14-shi úıdiń mańynda «Vaz» markaly kóligi órtenip jatqan. Qyzyl jalyn úıdiń shatyry men qabyrǵalaryna kóshken. Tóbe jabyny, eden, tereze jaqtaýlary túgeldeı órtenip ketti. Zardap shekkender joq. Jalyn 75 sharshy metr aýmaqty sharpydy» - delingen oblystyq TJD baspasóz qyzmeti habarlamasynda.
Órt sóndirýge jeke quramnan 7 adam baǵyttaldy. Tilsiz jaý saǵat 7:15 shamasynda aýyzdyqtaldy. Aldyn ala boljam boıynsha órt turǵyndardyń abaısyzdyǵynan bolýy múmkin.
Al úı ıesi Leonıd Epıshınniń aıtýynsha, órt aıaq astynan bolǵan.
«Qysqa jıǵan azyq-túlik, tósek oryn, esik aldyndaǵy qurylys materıaldarynyń barlyǵy janyp ketti. Qazir úı mańyndaǵy qorada turyp jatyrmyn. Jubaıymnyń syrqaty bar-tyn. Ony osyndaǵy jıenimniń úıine kóshirdim. Qys túspeı baspana máselesin sheshkim keledi. Qolǵabys etemin degen jandarǵa alǵysym sheksiz. Ákimshilikke baryp, ótinish jazdym. Biraq, naqty kómektesemiz dep eshkim aıtqan joq. Bar úmitim halyqta», - dedi Leonıd Epıshın.
Zardap shekken otbasyǵa «Bıýro dobryh del» qoǵamdyq qory qarjylaı járdem etýge ýáde etipti. Sondaı-aq, kómektesemin degen adamdar myna telefondarǵa habarlasýyna bolady:
87714297142, 87756830492
Foto Irıny MELЬTsER/top-news.kz