Úıi órtengen aqtóbelik otbasyna jergilikti bılik kómektesýge ýáde berdi
AQTÓBE. QazAqparat - Úıi órtenip ketken Toqmambetovter otbasyna jergilikti bılik kómektesýge ýáde berdi, dep habarlaıdy QazAqparat tilshisi.
Jalǵyz baspanasy órtenip, dalada túnep júrgen Toqmambetovter otbasy týraly buǵan deıin habarlaǵan bolatynbyz . Aqtóbe qalasynyń Qurylysshy baý-baqsha ujymynda turatyn otbasynyń baspanasy kóktemde sýǵa ketip, taıaýda ǵana jóndeýden ótken.
Jergilikti bılik oqıǵa ornyna baryp, balalardyń jaǵdaıymen tanysty.
«Toqmambetovter otbasy ákimdik nazarynan tys qalmaıdy. Kómek kórsetý joldary qarastyryp jatyr. Arnaıy komıssııa quryldy, jan-jaqty tekserilip, naqty kómek kórsetiledi»,- dedi Aqtóbe qalalyq jumys qamtý jáne áleýmettik baǵdarlamalar bóliminiń basshysy Náıla Bórtebaeva.
