Uıǵyrlarǵa oraza ustaýǵa tyıym salyndy
ASTANA. QazAqparat - Qytaı bıligi Shyńshań provıntsııasynyń turǵyndaryna, ásirese uıǵyrlarǵa oraza ustaýǵa tyıym saldy. Ramazan aıynda qulshylyq jasaýǵa ruqsat berilmegenderdiń aldyńǵy qatarynda stýdentter, ustazdar jáne memlekettik qyzmetkerler tur, dep jazady kp.ru.
Bul jaǵdaıǵa qatysty qytaılyq bılik qysqa ǵana túsinikteme bergen: oraza ustaý kezinde adamdar ash júretindikten adamdardyń densaýlyǵyna nuqsan kelýi múmkin, biz olardyń densaýlyǵy úshin alańdaımyz.
Habarlamada bul jańalyqqa halyq arasynda qarsy pikir týyndamady delingen. Kerisinshe, memlekettik mekemelerdiń biri kúndizgi ýaqytta as iship otyrǵan fotosyn jarııalapty. Olar budan esh jamandyq kórmegenin, qaıta ash júrip jumys istemeıtin boldyq dep ún qatqan kórinedi.
Aıta keteıik, Qytaıda uıǵyrlardyń sany 10 mıllıonnan asyp jyǵylady jáne olar bul eldegi sany jaǵynan ekinshi orynda turǵan musylman qaýymy.
