Uıǵyr jastar odaǵynyń tóraǵasy qazaq halqyna alǵys aıtty

ALMATY. QazAqparat– Qazaqstan halqy Assambleıasynyń múshesi, Qazaqstan uıǵyr jastary odaǵynyń tóraǵasy Rýstam Qarıev kóktemniń alǵashqy merekesi - Alǵys aıtý kúni týraly óz oıymen bólisti, dep habarlaıdy QazAqparat tilshisi.

«Alǵys aıtý merekesiniń máni tereńde jatyr. Ásirese, Qazaqstan halqy Assambleıasyndaǵy áriptesterim úshin aıtýly kún. Bul kún - Qazaqstan halqy Assambleıasynyń qurylǵan kúni. Barlyq etnostar bir-birine alǵys aıtyp, beıbit zamanda ómir súrip jatqany úshin qazaq halqyna da rızashylyǵyn bildirý múmkindigine ıe boldy», — deıdi R. Qarıev.

Sonymen qatar ol bul kúnniń jastar men óskeleń urpaq úshin de asa mańyzdy ekenin tilge tıek etti.

«Meniń oıymsha, bári úshin alǵys aıtýǵa bolady. Biz aǵa urpaqqa bolashaǵymyz úshin jáne ekonomıkasyn damytqan táýelsiz Qazaqstandy qurǵany úshin alǵys aıtamyz. Barsha qazaqstandyqtardy aıtýly kúnmen quttyqtaımyn. Bar jaqsylyqty tileı otyryp, «raqmet» deýden jalyqpaımyn, — dedi ol.

Aıta keteıik, 2016 jyly Qazaqstan Respýblıkasy |Tuńǵysh Prezıdentiniń Jarlyǵymen jańa mereke — Alǵys aıtý kúni bekitilgen edi.