Uıǵyr teatry qazaqsha qoıylymdar qoıýy qajet - respýblıkalyq basylymdarǵa sholý

***

«Qazaqta «Abylaıdyń asyna shappaǵanda...» dep keletin ádemi tirkes bar. Osy tirkestiń de ornymen qoldanylatyn tusy jaqyndap qalǵanǵa uqsaıdy. Olaı deıtinimiz - keshe Májilistiń jalpy otyrysyndaǵy depýtattyq saýaldardyń alǵashqysy qazaqtyń uly hany - Abylaıdyń 300 jyldyq mereıtoıyn ótkizý týrasynda órbidi. Depýtat Toqtarbaı Qadambaev pen qyzyljarlyq Jarasbaı Súleımenov qazaq hanynyń mereıtoıyn Táýelsizdiktiń sheńberinde, respýblıka deńgeıinde atap ótý máselesin kóterdi. Bul máseleniń mánisi «Alash aınasy» gazetiniń «Abylaıdyń asyna shappaǵanda» atty maqalasynda keńinen sóz bolǵan.

«Elimizdiń iri kondıterlik fabrıkalarynyń áleýeti tolyqtaı ıgerilmeı jatyr. Olar ónim shyǵarý kólemin arttyrýǵa barynsha tyryssa-daǵy, otandyq naryqty jaýlap alǵan ýkraınalyq jáne reseılik «táttiler» buǵan kedergi keltirýde. Kedendik odaqtyń qurylýy da atalǵan naryqtaǵy básekelestikti kúsheıtip otyr. Sol sebepti otandyq kámpıt óndirýshiler Úkimetten qazirgi ýaqytta Premer-Mınıstr Keńsesine berilgen Kondıterlik ónimder ımportynyń tek jeti túrine úsh jyl boıyna tyıym salý týraly jobany maquldaýdy suraıdy», dep jazady «Alash aınasy» gazeti. Bul týraly keńinen oqyp, bilgińiz kelse, basylymnyń búgingi sanyndaǵy «Otandyq kondıterlerdiń jolyn ashatyn jobanyń joly jabylyp tur» degen maqalany jiberip almańyz.

Sońǵy jyldary Qazaqstannyń astyq naryǵy el ekonomıkasy úshin basty salanyń birine aınalyp otyrǵany anyq. Bul rette azyq-túlik qaýipsizdigin ulttyq qaýipsizdik deńgeıine deıin kóterýge baǵyttalǵan sharalar atqaryldy. Azyq-túlikke qatysty qaýipsizdiktiń aldyn alý úshin ári sharýa qojalyqtaryn qıyn kezeńde qoldaý maqsatynda «Azyq-túlik korporatsııasy UK» AQ ishki rezervke astyq satyp alý dástúrin jolǵa qoıdy. ıAǵnı memleket sharýalar úshin qosymsha suranys tetigin iske qosty. Syrtqy naryqta baǵanyń quldyrýy kezinde munyń úlken demeý bolǵany da ras. Al endigi jerde qalaı bolmaq? Astyqqa degen álemdik baǵa kóterilgen qazirgi jaǵdaıda ishki naryqta memleket qoryna satyp alynatyn astyq baǵasyn da ósire túsý kerek pe? Bul másele tóńireginde QR Parlamenti Senatynyń depýtaty Svetlana Jalmaǵambetova men «QazAgro» ulttyq holdınginiń basshysy Asyljan Mamytbekov «Alash aınasy» gazetiniń «Oı-kókpar» aıdarynda pikirtalasqa túsken.

***

Qyrkúıektiń 20-27-si kúnderi Taraz qalasynda ótken Uly Jeńistiń 65 jyldyǵy men dańqty qolbasshysy Baýyrjan Momyshulynyń 100 jyldyq mereıtoıyna arnalǵan 18-shi respýblıkalyq teatr festıvalinde Astananyń Q.Qýanyshbaev atyndaǵy Qazaq mýzykalyq drama teatry A.Dýdarevtyń «Kesh» qoıylymyn sahnalap, bas júldeni jeńip aldy. Bul jaǵymdy jańalyqty «Astana aqshamy» gazeti habarlap otyr.

***

«Aıqyn» gazetiniń beısenbilik nómirinde Q.Qojamıarov atyndaǵy memlekettik uıǵyr mýzykalyq komedııa teatrynyń dırektory, kompozıtor Ádil Janbakıevpen aradaǵy suhbat «Uıǵyr teatry qazaqsha qoıylymdar qoıýy qajet» degen taqyryppen berilgen. Basylymnyń tilshisiniń barlyq saýaldaryna tushymdy jaýap bergen ol qoıylymdarynyń barlyǵy uıǵyr tilinde ekendigin aıta kelip, «al uıǵyr ultynyń ókilderi tek Almaty men Almaty oblysynda ǵana. Onda da Jarkent qalasy men Shelek, Shonjy aýdandarynda. Batysqa, Ortalyq Qazaqstanǵa, Ońtústik Qazaqstannyń ózge aımaqtaryna at izin sala amaıımyz. Sebebi bizdiń tilimizdi eshkim túsinbeıdi. Al repertýardyń qazaqshalanýy qazaq aýyldaryna, qazaq kórermenine dańǵyl jol ashady. Ónerimizdi kórsetýge de, akterlerimizdi tanytýǵa, nasıhattaýǵa múmkindik týra edi», deıdi.

«Shengen vızasyna qol jetkizý - aspandaǵy aıǵa sapar shegý úshin alatyn ruqsat qaǵazben birdeı bolyp turǵany ras. Jalpy, shengen degenimizdiń maǵynasy «erkin júrip-turý» degendi bildirse kerek. al endi osy shengendik aımaq bolyp esepteletin Eýropa elderi postkeńestik elder úshin sol erkin júrip-turýǵa tosqaýyl qoıyp tastap otyr», dep jazady «Aıqyn» gazeti búgingi nómirinde jaryq kórgen «Eýropa tabaldyryǵyn tek «tańdaýlylar» ataıdy. Nege?» degen taqyryppen basylǵan maqalasynda. Basylymnyń atap ótýinshe, bul kedergiden bankte qomaqty qarjy jınaǵy, basynda kepildikke qoıar úıi barlar ǵana óte alady. Al kári qurlyqqa issaparmen emes, óz betinshe saıahattap barǵy kelgen, bankte qarjysy joq kez kelgen azamat atalǵan jaıttarǵa bola mańdaıy tasqa tıip júr. Bul jaıynda egjeı-tegjeıli oqyp bilgińiz kelse, basylymnyń búgingi sanyn ashyńyz.

***

«Keshe kúnniń ekinshi jartysynda Úkimet úıinde Ekonomıkany jańǵyrtý máseleleri jónindegi memlekettik komıssııanyń kezekti otyrysy bolyp ótti», dep jazady «Kazahstanskaıa pravda» gazeti QR Premer-Mınıstriniń baspasóz qyzmetine silteme jasap. Otyrysqa qatysýshylar 2010-2014 jyldarǵa arnalǵan Qazaqstan Respýblıkasynda ınnovatsııany damytý men tehnologııalyq jańǵyrýǵa kómektesý jónindegi baǵdarlama jobasyn talqylady. Sondaı-aq, Údemeli ındýstrııalyq-ınnovatsııalyq damýǵa arnaǵan Memlekettik baǵdarlama aıasynda QR Indýstrııa jáne jańa tehnologııalar mınıstrligi ázirlep jatqan eldegi 2010-2014 jyldarǵa arnalǵan qazaqstandyq úlesti damytý jónindegi salaly baǵdarlamanyń da jobasy qaraldy. Talqylaý qorytyndysy boıynsha Indýstrııa jáne jańa tehnologııalar mınıstrine engizilgen usynystardy eskere otyryp, jobany aıaqtaý tapsyryldy.

***

«Ekspress-K» gazetiniń jazýynsha, osymen úshinshi kún Tarazdaǵy № 31 mekteptiń 500-den astam oqýshysy sabaqtaryn jiberip alýda. Sabaqtyń bolmaı qalýyna mektepke jarylǵysh zat qoıylǵandyǵy týrasynda 112 nómirine uıaly telefonnan habarlaǵan beıtanys áıeldiń aqparaty sebep bolyp otyr. Úsh kúnde de oblystyq tótenshe jaǵdaılar departamenti, qutqarý otrıady, órt sóndirý qyzmeti, oblystyq ІІD bólimshesi qyzmetkerleri, sondaı-aq Ulttyq qaýipsizdik qyzmeti ókilderi atalǵan mektepke shuǵyl jetkenimen, esh jarylǵysh zat tabylǵan joq. UQK-nyń oblystyq departamenti men ishki ister departamenti oqıǵaǵa baılanysty túsinik berýden bas tartýda. Bul jaıynda basylymnyń búgingi nómirinen oqı alasyzdar.