Uıǵyr mádenı ortalyǵy Maqtaaralǵa 7 tonnaǵa jýyq azyq jetkizdi
Kerýen júgi Atakenttegi arnaıy qoımaǵa ornalastyryldy. Aldaǵy ýaqytta tasqynnan zardap shekken otbasylarǵa úlestiriletin bolady.
Taldyqorǵandyq topty bastap kelgen Almaty oblysy uıǵyr etnomádenı ortalyǵynyń Taldyqorǵan qalasyndaǵy ókili Nýrým Ivýllaev. Kerýen 7 tonnaǵa jýyq 140 túrli azyq-túlik jıyntyǵyn ala kelgen. Sondaı-aq, delegatsııa múshesi, uıǵyr mádenı ortalyǵynyń belsendisi Farhad Sábıtov qınalǵan shaqta otandastardy qoldaý – árbir qazaq jerin mekendegen azamattyń boryshy ekendigin aıtty.
«Búgin maqtaaraldyq aǵaıynǵa Taldyqorǵannan arnaıy kómek retinde azyq ala keldik. Bul ekinshi ret kelýimiz. Osyndaı shaqta bir ekenimizdi kórsetip, yntymaǵymyzdy ispen pash etýimiz kerek. Qazir jalpy somasy 2 mln teńgege jýyq júk keldi. Onyń ishinde 250 keli kúrish, 100 keli qant jáne ózge de qajetti azyqtar bar. Endi elimizdi apat pen zil-zaladan saqtasyn», - dedi ol.
Kerýendi kútip alǵan Maqtaaral aýdandyq máslıhat hatshysy Qadyr Sársekbaev Jetisý óńirinen kómegin ala kelgen aǵaıynǵa jergilikti halyq atynan alǵysyn bildirdi.
