Uıǵyr halqynyń ulttyq taǵamy álemdik rekord ornatty
ASTANA. QazAqparat - Qytaıdyń Shyńjań ólkesi Cherchen aýdanynyń jergilikti turǵyndary «Kúmesh nan» dep atalatyn uıǵyr halqynyń ulttyq taǵamyn jasap, álemdik Gınnestiń rekordtar kitabyna endi.
Qytaılyq aqparat quraldarynyń habarlaýynsha, Kúmesh nannyń rekordtar kitabyna kirýine sebep onyń ulkendiginde bolyp otyr. Onyń dıametri 3,65 metr, 300 keli un, 200 keli qoı eti jáne 60 keli pııaz qoldanǵan. Aspazdar taǵamdy daıyndaýǵa 4 saǵat ýaqytvn sarp etken.
Kúmesh nan bizge málim uıǵyrdyń samsa jáne et nanynan jasalý jaǵynan erekshelenedi. Uıǵyr jastary ony ulttyq «pıtstsa» dep esepteıdi.
Aǵash otynnan jaǵylǵan ottyń jalyny sóngennen keıin, unǵa et jáne pııazdy orap dóńgelek pishinde daıyndalǵan qamyrdy ystyq kúlge kómedi. Bir saǵattyń aınalasynda daıyn bolǵan nandy kúlinen tazalap jeýge bolady.
