Uıǵyr aýdanyndaǵy sporttyq nysannyń opyrylýy: Yqtımal sebepteri ataldy
UIǴYR AÝDANY. QazAqparat - Almaty oblysynda opyrylyp túsken sporttyq nysanǵa adamı faktor áser etýi múmkin, dep habarlaıdy QazAqparat tilshisi.
«Keshe saǵat 11-12 shamasynda Almaty oblysy Uıǵyr aýdany Shonjy eldi mekeninde sporttyq keshenniń úshinshi blogy qulady. Qazirgi tańda aldyn-ala boljamdarǵa sáıkes komıssııanyń qaraýy boıynsha eki másele bar. Birinshisi, qurylys jumystaryn júrgizgen kezde tehnıkalyq talaptardyń buzylýy nemese jobadan qate ketken. Apattyń naqty sebebin qurylǵan arnaıy komıssııa anyqtap, qorytyndysyn beredi. Adamı faktor da bolýy múmkin. Maman múmkin jumysyn tolyq aıaqtamaı, boltty durys buramaı ne dánekerleý jumystaryn júrgizgen kezde sony tolyq jasamaýdan da bolýy múmkin. Qazirgi tańda arnaıy komıssııa quryldy», - dedi Almaty oblystyq qurylys basqarmasy basshysynyń orynbasary Erkebulan Ýsmanbaev.
Esterińizge sala keteıik, buǵan deıin Uıǵyr aýdanynda jańadan salynyp jatqan sporttyq nysannyń opyrylyp ortasyna túskenin habarlaǵan bolatynbyz.
