Uıǵyr aýdanyndaǵy «Lıýks» demalys ornynda iri órt boldy
ASTANA. 7 jeltoqsan. QazAqparat - Almaty oblysynyń Uıǵyr aýdanynda ornalasqan «Lıýks» demalys aımaǵynda tótenshe jaǵdaı oryn aldy.
Demalys aımaǵynyń bir qabatty ǵımaratynda 6 jeltoqsan kúni saǵat 17.30-da ashana men basseınniń shatyry órtene bastady. QR TJM-niń baspasóz qyzmetinen habarlaǵandaı, órt tolyǵymen saǵat 21.10-da sóndirildi. Ony aýyzdyqtaýǵa Almaty oblysy boıynsha TJD órtke qarsy qyzmetiniń 12 adamy men 2 tehnıkasy jumyldyryldy. Jalyn sharpyǵan aýmaq 300 sharshy metrdi qurady. Qaza bolǵandar men zardap shekkender joq. Órt kezinde demalýshylar bolǵan joq.
