Uıǵyr aýdandyq sotynyń sýdıasy asa iri kólemde para aldy degen kúdikke ilindi

NUR-SULTAN. QazAqparat – Sybaılas jemqorlyqqa qarsy qyzmet ókilderi Uıǵyr aýdandyq soty sýdıasynyń ústinen qozǵalǵan sotqa deıingi tergeýdi aıaqtady, dep habarlaıdy QazAqparat tilshisi.

Agenttiktiń asa mańyzdy ister jónindegi tergeýshisi Danııar Begaıdarov atalmysh istiń qazir qaı satyda ekenin aıtty.

«Almaty oblysy boıynsha sybaılas jemqorlyqqa qarsy qyzmet Uıǵyr aýdandyq soty sýdıasynyń ústinen qozǵalǵan sotqa deıingi tergeýdi aıaqtady. Ol sot aktisin onyń paıdasyna shyǵarǵany úshin jeke tulǵadan asa iri kólemde para aldy degen kúdikke ilindi. 29 naýryzda Bas prokýratýra sýdıanyń isin sotqa joldady» - dedi Danııar Begaıdarov onlaın brıfıngide.