Úıge ortaq jylý energııasyn esepteý quraldaryn ornatý artyqshylyqtary

NUR-SULTAN. QazAqparat - Jylý eseptegishter ázirge keń taralǵan emes, sebebi olardy tańdaýymen, ornatýymen jáne paıdalanýymen baılanysty kóptegen suraqtar týyndaıdy, dep habarlaıdy QazAqparat tilshisi.

Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ málimetinshe, aspaptandyrý baǵdarlamasy - bul turǵyndardyń tutynylǵan resýrstar (jylý, sý jáne elektr energııasy) úshin shyǵyndaryn azaıtý maqsatynda jalpyúılik jáne jeke jylý, sý jáne elektr energııasyn esepteý quraldaryn ornatý.

2015 jyly «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Elbasynyń turǵyn úı qorynda jylýdy esepteýdiń úıge ortaq quraldaryn ornatý týraly tapsyrmasyn oryndaý maqsatynda Aspaptandyrý baǵdarlamasyn iske asyrýdy bastady.

Jalpy úılik jylýdy esepteý quralyn ornatýdan birqatar artyqshylyqtardy atap ótý qajet.

Birinshiden, jylýdy esepteý quraly resýrstyń naqty tutynylǵan mólsherin belgileıdi. Bul jaǵdaıda eshqandaı uıym turǵyndarǵa jylý energııasy men jylý tasymaldaǵyshty usyna almaıdy.

Ekinshiden jylý tasymaldaǵyshtyń sapasyna baqylaý bolǵandyqtan barlyq buzýshylyqtar qujatpen tirkeledi. Demek, kez kelgen sáıkessizdikti jylýmen qamtamasyz etetin uıymdarǵa narazylyq arqyly dáleldeý ońaı.

Úshinshiden, jylý eseptegish quraldyń derekteri úıde energııa únemdeýshi tehnologııalardy engizý qajettigin túsinýge múmkindik beredi. Mysaly, syrtqy temperatýraǵa baılanysty jylý berýdi retteý úshin avtomatty aralastyrǵysh torap.