Úıge qujat rásimdep beremin: ShQO-da alaıaq ózin ákimdik qyzmetkeri retinde tanystyrǵan
ÓSKEMEN. QazAqparat – Shyǵys Qazaqstan oblysy Besqaraǵaı aýdanynda ózin ákimdik qyzmetkeri retinde tanystyrǵan alaıaq ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Besqaraǵaı aýdandyq polıtsııa bólimine 29 jastaǵy azamatsha júgingen. Óz sózinde ol 30-40 jas shamasyndaǵy belgisiz áıeldiń «úıge qujat resimdep beremin» dep aldap soqqanyn jetkizdi.
«Alaıaq jábirlenýshiniń jeke qujattaryn sýretke túsirip alǵan. Keıin onyń atyna 597 myń teńge somasynda nesıe rásimdedi. Jedel-izdestirý sharalary barysynda tártip saqshylary Semeı qalasynyń 41 jastaǵy turǵynyn qolǵa túsirdi. Kúdikti buǵan deıin de birneshe ret sotty bolǵan», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq Kodeksiniń 190-baby 1-bóligine (Alaıaqtyq) sáıkes sotqa deıingi tergeý amaldary bastaldy.
