Úıge qaıtpaı-aq qoısam bola ma: Áke-sheshesi urǵan 7 jasar qyz astana aýrýhanasynda jatyr
Elordada jeti jasar jetkinshek úıinde taıaq jep, aýrýhanaǵa tústi, dep habarlaıdy Kazinform.
Bul habardy QR bala quqyqtary jónindegi ýákil Dınara Zákıeva Facebook jelisinde jetkizdi.
Onyń aıtýynsha, keshe tez arada balalar aýrýhanasyna barýǵa májbúr bolǵan.
«Qyzdy ata-anasy biraz ýaqyttan beri uryp-soǵyp kelgen. Qazir 7 jasar oqýshy em alyp jatyr. Ol „úıge qaıtpaı-aq qoısam bola ma?“ dep surady», — deıdi Dınara Zákıeva.
Qyzdyń denesindegi jaraqatty mektep muǵalimderi baıqap, tez kámeletke tolmaǵandar isi jónindegi ınspektordy shaqyrǵan.
Otbasynda taǵy 6 bala bar.
