Úıge esirtki alyp kelgen mysyqty ıesi polıtsııaǵa tapsyrdy
ASTANA. QazAqparat - Jańa Zelandııa turǵynynyń mysyǵy úıge esirtki alyp kelgennen keıin, azamatsha janýardy osy áreketi úshin polıtsııaǵa alyp barýǵa májbúr bolǵan, dep jazady sheteldik BAQ.
Jergilikti polıtsııa serjanty Rısa Mýnronyń sózine qaraǵanda, olarǵa keshki saǵat 18:00 kezinde atalmysh áıel telefon shalyp, mysyǵy úıine shaǵyn qaptamadaǵy esirtkini alyp kelgenine alańdaýly ekenin aıtyp bergen.
Atalǵan qaptamadaǵy marıhýanna esirtkisi shamamen 100-150 dollarǵa baǵalanyp otyr.
«Mysyqtar úıge kóbinese qustardyń, tyshqandardyń óligin alyp keledi, al mundaı oqıǵaǵa alǵash tap bolyp otyrmyz», - deıdi serjant.
Qazirgi kezde esirtki salynǵan qaptama zerthanaǵa tapsyrylyp, onyń naqty ıesiniń saýsaq izderi tekserilýde.
