Úıdiń shatyrlary ushyp, aǵashtar qulady: Almatydaǵy daýyl saldary

ALMATY. KAZINFORM — Almatyda soqqan qatty daýyl, úılerdiń shatyryn julyp, aǵashtardy qulatty.

Almatylyqtar áleýmettik jelide qolaısyz aýa raıy saldarynyń vıdeosyn jarııalap jatyr. Kadrda alyp aǵashtyń jeńil kóliktiń ústine qulaǵanyn kórýge bolady.

Al ekpindi jel úılerdiń shatyrlary men kóshe belgilerin julyp áketti.

Sondaı-aq, jel ushyryp ketken qurylymdardyń biri qart adamǵa qulaǵan. 

Budan bólek, jańbyr saldarynan keıbir turǵyndardyń balkondarynan sý aǵyp, birqatar kósheni sý basyp, qalanyń keıbir aýdandarynda qysqa ýaqytqa jaryq óship qaldy.

Almatyda keshke qaraı aýa raıy kúrt buzylyp, jel turyp, naızaǵaı oınap, jańbyr jaýdy. 

Buǵan deıin Qazgıdromet Almatyda 5-6 sáýir aralyǵynda nóser jaýyn jaýyp, naızaǵaı oınap, jeldiń ekpini sekýndyna shamamen 15-20 metrge jetetini týraly eskertken bolatyn. 

Osydan eki kún buryn megapolıste daýyl soǵyp ǵımarattardyń qasbetterin opyryp túsirgen edi. 

Eske salaıyq, osyǵan deıin Qazaqstannyń birqatar óńirinde daýyldy eskertý jasalǵan bolatyn.

Sınoptıkter elimizdiń birneshe óńirinde jańbyr quıyp, naızaǵaı oınaıtynyn jetkizdi. 

Aıta keteıik, qazaqtardyń ár tabıǵı qubylysqa óz ataýy bar.