Úıdiń qabyrǵasynan 25 myńǵa jýyq ara shyqty
ASTANA. QazAqparat - Ispanııadaǵy Alkala-de-Enares qalasyndaǵy turǵyn úılerdiń biriniń qabyrǵasynan adam aıtsa sengisiz «qazyna» tabyldy.
Munda qyzmet babymen úılerdi aralap júrgen órt sóndirýshiler shamamen 25 myńǵa jýyq ara turatyn uıany taýyp alyp, tań-tamasha qalysty. Al buǵan deıin sol mańaıda turatyn jurt aǵashtyń butaqtarynda órip júrgen 5 myńǵa jýyq arany qýyp jibergen eken. Biraq, olardyń analyǵyn tappaǵan turǵyndar kómekke órt sóndirý jasaǵyn shaqyrypty. Ara ósirgish mamandardyń aıtýynsha, jándikter úıdiń qabyrǵasyna 2 jyldan beri qonystanǵan bolyp shyqty. Olar munysymen qoımaı, qabyrǵanyń arasyna bal jınastyryp qoıǵan, dep habarlaıdy 24.kz espanarusa.com.-ǵa silteme jasap.
